Yukiya unregistriert
|
|
Des escht witzsch.
Watt jetz no feelt iss Herry in Bärlinerisch.
|
|
25.11.2004 03:26 |
|
|
Annabelle Hermione unregistriert
|
|
@ Yukiya
Ei, dann mach doch einfach n Thread defier uff!
|
|
25.11.2004 14:33 |
|
|
Yukiya unregistriert
|
|
Ditt wert ick wol mache. Aber nur ein Problem..ich hab keins der Bücher auf deutsch
|
|
08.12.2004 23:09 |
|
|
Jon K Bowling
Schüler
Dabei seit: 30.09.2004
Alter: 109
Themenstarter
|
|
Isch aach nit
Heut zeisch isch eusch, daß des Hessisch nit immer nur witzisch
is, sondern auch ganz schee unheimlisch sei kann.
"Die dunkle Seite des Hessisch" also:
"Ei isch habb gefracht, was des fer Gauldinger sin," sacht de Härry während er, de Ron un die Luna zu der Kutsch ginge, in der es Herminsche un die Ginny schon drin saße.
"Was fer Gauldinger?"
"Ei die Gäul, die hier die Kutsche ziehe!" sacht de Härry ungeduldisch.
Die zwo warn grad etwa en Meeder entfernt vom nächste Gaul, der se mit seine leere, weisse Aache aageguckt hot.
De Ron guckt de Härry an wie en Omnibus.
"Von was babbelst du denn?"
"Ei isch babbel von - guck doch emol!"
De Härry packt em Ron sein Ärmel un zieht en rübber, so daß er
Aach in Aach mit dem geflüschelde Gaul war. De Ron guckt fer e Sekund
direkt da hie und dann guckter widder de Härry aa.
"Was soll denn do sei?"
Oder 'gemeines' auf Hessisch:
"Äh," sacht de Härry ohne sisch zu bewesche. "Frau Professor Umpritsch.
Bevor mer aafange - isch - äh - kenne Sie mer vielleischt en Gefalle due?"
Ihr Glotzaache sin dadebei e bissje klänner worde.
"Ja, was denn?"
"Ei, isch bin in de Quidditschmannschaft vun Griffindor. Un isch solld am Freidaach um finf zum Treening komme, weil die en neie Torwart suche, un isch wollt Sie fraache, ob mer an dem Amend es Nachsitze verschiewe kenne - un e anner Mal nachhole - stattdesse..."
Lang bevor er den Satz ferdischgesproche hot, wusster, daß des nit gut war.
"Des kommt nit in die Dutt", sacht die Umpritsch, un grinst debei so breit, daß se aussieht als hätt se grad e besonders safdisch Mick gefresse. "Nää, nää, nää. Des is jetzt die Straf fer die beese, dreckische, offmerksamkeitsuchende Geschischde, Herr Podder, un Strafe kenne nadürlisch nit so gelescht werde, wie des dem Beesewischd grad bassd. Du kimmst morje um finf hier her, un ibbermorje un am Freidaach aach. Du kriehst dei Nachsitze so wie des gepland war. Isch denk daß des e gud Sach is daß du was verpassd, was de werklisch gern gemacht hässt. Des verstärkd sischer noch die Lekdzione, die isch dir erdeile wolld."
Dieser Beitrag wurde 1 mal editiert, zum letzten Mal von Jon K Bowling: 10.12.2004 13:14.
|
|
09.12.2004 12:05 |
|
|
Lilyana unregistriert
|
|
Ay, isch kenn kään, de so gud hessisch babbelt wie du.
Un des letzte do, war ja wecklisch gruselisch un gemein. Da habsch grad des Ziddere bekomm, so gruselisch un gemein war des do gewese
P.S.: De Umpritsch de alde kröt is uff hessisch noch gemeiner un die Thestrale noch gruselischer....die mit ihrne Aache da....
|
|
12.12.2004 02:21 |
|
|
Hinagiku unregistriert
|
|
Ei horsche mol her, des is ja dodal subba mit deine Ãœbersetzunge!
Isch könnt mich kringele vor Lache, einfach dodal genial!
Als echtes Frankfodder Mädche is des en rischtisches Heimatgefühl hier im Forum!
Also nur weida so...
Gruss Hinagiku
|
|
09.02.2005 18:24 |
|
|
Jon K Bowling
Schüler
Dabei seit: 30.09.2004
Alter: 109
Themenstarter
|
|
Hallo Ihr Leut,
endlich gibts wieder was auf Hessisch, heute mal aus
'Härry Podder un die geheimnisvoll Stubb'.
Die Kundenstimmen aus der Kwikspell Werbung:
Madamm Z. Neddelkett aus Gunsenum schreibt:
"Isch habb mer nie Zauwersprüsch merke könne un mei Zauwertränk warn nit wirkungsvoller als Kardoffelsupp!
Jetzt, nach dem ALDI-KADABRA Kurs bin isch off Pardies de Middelpunkt
un mei Freunde fraache misch nach em Rezept von meim Geistesblitz-Gesöff!"
Zauwerer D.J. Bobbo aus de Schweiz schreibt:
"Mei Fraa hot misch immer gehänselt wesche meine läppische Zauwer, abber nach eim Monat mit dem grossardische ALDI-KADABRA Kurs habb isch mei Alt in en Ackergaul verwandelt!
Danke, ALDI-KADABRA!"
Und immer wieder beliebt
"Wart emol..", pischbert de Härry zum Ron. "Da is en leere Stuhl am Lehrerdisch...wo is denn de Snape?"
....
"Vielleischt isser krank!" sacht de Ron hoffnungsvoll.
"Vielleischt hat er sisch ausem Staub gemacht," sacht de Härry, "weil er den 'Verteidischung geesche dunkle Künsde'-Job schon widder nit krieht hat."
"Odder die habben nausgeschmisse!" sacht de Ron endusiasdisch. "Isch mään, weil den eh kääner verbutze kann -"
"Odder vielleischd," sacht e ganz schee kalt Stimm direkt hinnerne " wartet er droff, wie ihr ihm verklickern wollt, warum ihr nit mit de Schuleisebahn komme seid."
|
|
24.02.2005 11:39 |
|
|
Lilly-Nicole unregistriert
|
|
super klaase, weiter so.
isch lach mich schlapp.
|
|
02.02.2006 22:04 |
|
|
Witchcraft
Schülerin
Dabei seit: 15.10.2005
Herkunft: Bruchtal
|
|
Ei guden Dach aach, ihr Leud! Isch wolld eusch hier aach emol uff hessisch begriese. Isch find die Idee aafach subber, des is ja sowas fon wizzisch! Machd nur weider so, isch finds Klasse!
Auserdem will isch aach emol fersuche, hier was zum Besde zu gebbe, hab sowas abber noch nie gemachd. Mol seje, ob des aach klappd. Die Schdell is aus em Feuerkelsch un aa fon meine Lieblingsschdelle. De Harry un de Ron hawwe grad fon de Tscho un de Flör e Abbfur kried, weil die Zwaa schonn mid annern Buwe zum Weihnachdsball geje dun. Jedzd losse se die Köpp hänge un die Tschinny hodd nix bessers zu due, als es gleisch briewarm de Hermine zu ferzehle.
"Ach... sin all die scheene Mädscher schonn von annern Buwe weggeschnappd worn, Ron?", seschd die Hermine schnibbisch. "Die Luis Midschin werd jezd immer schenner, gell? No ja.. isch bin sischer, dass ihr Zwaa irschendwo noch irschendaa finne werd, die eusch hawwe will."
De Ron glozd die Hermine aa, als ob er se blözlisch in em ganz annern Lischd seje dähd. "Hermine, de Newill hod Reschd - du bisd tatseschlisch e Mädsche..."
"Oh, guhd beobbachd", seschd die Hermine bissisch.
"No ja - du kannsd mid aam fon uns Zwaa geje!"
"Naa, kann isch ned!, blärrd die Hermine de Ron aa.
"Ach, jezd habb disch ned so", seschd de Ron ungeduldisch, "Mir brauche zwaa Weiwer, wie siehd des denn aus, wenn mir kaa hawwe, alle annern hawwe welsche..."
"Isch kann ned mid eusch geje", seschd die Hermine un werd uff aamol rot, "weil isch schonn jemand annersd habb."
"Naa, hasde ned!", blusderd sisch da de Ron uff, "Des hasde nur gesachd, um de Newill loszuwern!"
"Ach, un woher willsd ausgereschend du des so genau wisse?", duhd die Hermine zurick gifde, "Nur, weil ihr Zwaa drei Johr lang gebrauchd habd, Ron, heesd des noch lang ned, des kaan annern geseje hodd, des isch a Mädsche bin!"
Isch hoff, dess eusch des klaane Schdreidgeschpräsch zwische dem Ron un de Hermine uff hessisch gefalle hodd!
Machsd gud ihr Leud, bis zum nägsde Mol!
__________________
Dieser Beitrag wurde 1 mal editiert, zum letzten Mal von Witchcraft: 13.03.2006 15:06.
|
|
13.03.2006 15:00 |
|
|
Jon K Bowling
Schüler
Dabei seit: 30.09.2004
Alter: 109
Themenstarter
|
|
Ei Witschkraft,
da hammer ja bald es hessische Feierdippe zusamme.
Isch bring Eisch demnächst mal was hessisches aus
Härry Podder un de Halbbleedprinz
|
|
13.03.2006 23:29 |
|
|
Witchcraft
Schülerin
Dabei seit: 15.10.2005
Herkunft: Bruchtal
|
|
Ei guude Jon
gell, des maan isch awwer aach, so langsamm krieje mers.
Ei, do frei isch misch schonn wie waansinnisch druff, wenn de hier was fom Halbbleedprinz zum Besde gibbsd.
Isch werd aach noch emol e bissi die Bischer welze, mol gugge, filleischt ebbes aus em Fenixorde, dess waas isch jezd abber noch ned.
Bis die Taache, gell?
*Witsch*
__________________
|
|
14.03.2006 13:32 |
|
|
Jon K Bowling
Schüler
Dabei seit: 30.09.2004
Alter: 109
Themenstarter
|
|
Na da habb isch mal die erst Kostprob aus em Halbbleedprinz:
Die schiene all e Weihnachtssendung zu hörn mit de Fraa Wiesli ihrm
Lieblingssänger Guilderoy Horn.....
Oh komm un riehr moi Dippe
un wenn de's rischdisch machst,
dann brau isch dir die heisse Liewe
dann haste's aach schee mollisch nachts
"Dadezu hammer mit achtzeeh gedanzt" sacht die Fraa Wiesli
un wischt sisch die Aache mit ihrm Strickzeisch, "wääßte des noch, Addur?"
"Mmpf" sacht de Herr Wiesli, der sein Kopp übber 'ner
Mandarin hält, die er grad schält "oh ja, was e schee Melodie"
|
|
21.03.2006 23:21 |
|
|
Ginny & Harry unregistriert
|
|
Oh mein gott!
Desis einfach nur total witzig, und ich glaub wenn es "HÄrry Pottä un de Feierdippe", oder wie dus genannt hast gäbe, ich würde ihn mir sofort kaufen>!!!
Des is einfach mega lustig, total zum kaputtlachen!!!
EINFACH NUR DER HAMER!!!!
|
|
22.03.2006 14:26 |
|
|
lani unregistriert
|
|
Zum kreische gomisch eier gschreibsl...
finns nur net so aafach uff hessisch zu schraabe, awer isch geb mir all müh'
Misch würds nur ma indressiern wo ihr dann gnau härgommt?
Isch gomm aus Wäschtersbach (Wächtersbach) zwische Frankfurt un Fulda... an de Kinz'... einma übbern Berch un ma is in Bad Orb...
hessisch grüß
Lani
|
|
22.03.2006 14:49 |
|
|
Witchcraft
Schülerin
Dabei seit: 15.10.2005
Herkunft: Bruchtal
|
|
@ Tschonn
Des war escht zum schiieese, isch hab es Lache ned hallde kenne. Toll gemachd widder!
@ lani
Do hosde Reschd: Des is werklisch ned so aafach, die Teksde in hessisch umzuschreiwe, awwer es meschd mordsfiel Schbass!
Mir woone ibrischens gor ned weid ausenaner. Isch bin aus de Neeh fon Haane (Hanau), also aach ganz naa bei Frankfort draa!
So un hier noch e klaa Kostprob aus em Fenixorde. Die Wieslies, die Hermine un de Härri besuche de Misder Wieslie im Krangehaus, also sie sinn im Sangt Mungos Hosbidaal. Dodebei schdolbern se blözlisch aach im fünfde Schdock erum un blözlisch seje se do en Mann, der iehne ferdeschdisch bekannt forkimmt...
"Ei gugge mol do... du lieb Bambelschnuud", seschd de Ron un glozd den Mann aa.
"Ach du liewes bissje", keuschd die Hermine auser Adem, "de Professer Lockhatt!"
De ejemalische Leerer fir die Ferteidischung geesche die dunkle Künsde drikt die Dir uff und kimmd in em lange lilla Morjerock uff se zu.
"Ja, awwer hallo!", seschd der, "Isch denk emol, ihr wolld e Audogramm fon mir hawwe, rischdisch?"
"Der hodd sisch aach ned geenerd, odder?", bischbeld de Härri de Tschinni zu, die es Grinse ned halde kann.
"Ämm... wie geeds ihne, Herr Professer?", freeschd de Ron.
"Es geed mer ganz herforraachend, danke aach. Unn... wiefiele Audogramme wollder jezd hawwe? Isch kann jezd aach Schreibschrifd schreiwe, schdelld eusch emol foor!"
__________________
|
|
22.03.2006 17:06 |
|
|
|