Luna
Schülerin
Dabei seit: 13.12.2003
Herkunft: Alveran
 |
|
So Schwiiizer ond Schwiizerinne vo HP Xperts...
Leider esch de letschti Thread zemli us de fuege grote, esch aber ned de einzig gsi, ond mer hend im Team beschlosse dä z lösche ond neu z eröffne!
S esch eifach so, dass mer do emmerno es HP Forum send ond s eigentli drom gohd au im Internationale öber HP z diskutiere. Leider hemmer das chlii i hendergrond gschobe ond hend üs usschliesslech öber anders onterhalte. Wer vo wo chond cha mer au i de einzelne Profil ond de Vorstelligs Threads im Sprächende Huet noche luege ond natürlech per PM oder IM!
Aso ech mache mol de Afang ond stelle es paar Froge wo sech om HP dreihet. Bitte bliibet bi dem Thema, söscht mönd mer eifach die Biiträg lösche, wo sech ned om HP dreihet! 
Wer esch euchi lieblings Figur us Harry Potter?
Wer möget er gar ned?
Was säget ehr zom Tetel vo Band6 - Harry Potter ond de haub Bluet Prenz?
Welle Band fendet ehr am beschte?
etc.
Aso ech freu mech schwiizerdüütschi Diskussione öber HP met euch z füehre
*Luna
__________________
|
|
29.06.2004 23:30 |
|
|
Draca
unregistriert
|
|
Hallo!
Aso, i finde de titu nid so cool! er tönt irgndwiä wi 
!!! i chas nid genau beschribe, aber i finde, er würkt so nachegmacht! mini liebschti figur isch d hermine! im band 5 findi der harry mega blöd, wüu er immer usraschtet wege nix! uns schouschpilerä findi, tüe dr rupert grint u d emma watson am beschte! i finde dr radcliffe cha nüt (es tuet mer leid, wenni iz fans fo ihm beleidige! 
) aso, i hoffe das no meh schwizer si, i dem forum!
grüessli! draca
ps.: ah ja, u am beschte findi ds band 3 u 5!
|
|
|
07.07.2004 23:08 |
|
|
granger
unregistriert
|
|
also, ych au mol uff schwyyzerdiitsch... 
(isch hertt, bi mi sunscht gwohnt, düütsch zschryybe. jänu, versuech ychs halt mol mit myym luzärn-basel-dytsch... 
)
my liebling isch nit nur eine. dr hagrid isch en coole biker, prof mcgonagall erinneret mych a mi sälber als lehrerin...
, dr sirius isch sensationell gsy, dr snape sowiso, etc... d'dementore find ych e sensations-erfindig! und syydeschnabel sowieso.
eigentlych machid alli figure d'gschicht zo dem, wo sie isch. dr nearly headless nick isch mit eine vo mine liebling, bsunders, wyll dr john cleese ehn spillt im film.
öberhaupt ned mag ych d'bellatrix. die erinneret mych a my grossmueter...
(die müestet ihr kenne, aber s trifft scho rächt guet zue...). d'bellatrix isch mr eifacht z mies, ych has nit so mit so hinterlischtig bööse lütt.
öb dr titel passt, wüssemer erscht, wenns buech duss isch. aber ych dänk, dass dr hbp scho dr zentrali punggt isch wo sich alles drum drait, wie by allne andere büecher au. by gschpannt, wärs isch!
dr beschti band isch au schwerig. dr vierty isch mit dr bescht, dr fünfty au, obwohl ych dr harry rächt müesam gfunde ha in däm. är stellt sich meischtens zemmlych stur aa. aber das isch jo meischtens so in däm alter...
was wär för euch z beschti ändi vo dr ganze gschicht?
Dieser Beitrag wurde 1 mal editiert, zum letzten Mal von granger: 08.07.2004 11:59.
|
|
|
08.07.2004 11:30 |
|
|
Amanda
Schülerin
Dabei seit: 01.05.2004
Alter: 23
|
|
Sali zäme also ich find no vili Charakter toll z.B. Fred und George. Nit usstoh kann ich dr Lucius Malfoy oder dr Chrouch junior. Dr Titel isch ganz guet und ich frog mich (wie fascht alli andere au) wär demit gmeint isch. Min Lieblingsband isch dr dritti.
__________________
|
|
|
08.07.2004 11:39 |
|
|
~Pig~
unregistriert
|
|
hallo lütlis!!
puh, bi öine dialäktä hani mängisch fasch ächli müäi, mitzcho 
mini absoluti liäblingsfigur isch der snape! i fingä dä irgendwiä so geniau!! i weiss dasses abartig tönt, i säuber finges o nid guät, winer d schüäler behandlät, aber für mi sraut är so öppis us...so gheimnisvou...naja, was söus
aber när chunnt batürlech grad d her-my-ow-nee!!!!!!!!!!!!!
e tollä charakter! 
gar nid mani eigentläch aui bösä... 
der titu vo band 6 fingi eigentläch no ganz intressant! i bi sicher, dass o das wider spannend wird wärdä!
i ha überhoupt ke liäblingsband! sehr viu sägä, dass si der 3. der bescht fingä u der 2. gar nid guät! aber i cha das vou nid nachävouziä! 
z beschtä ändi für mi wär natürlech dass aui guätä läbä u der chriäg verbi isch
aber spätischtens sitem füftä band hani d hoffnig ufgä...
i ha schiss, dass d hermine stirbt, u zwar dür d hang vom malfoy!!! 
aber mir wärdes gseh!!
liäbs grüässli
~Pig~ 
|
|
|
23.07.2004 23:52 |
|
|
daskon
unregistriert
|
|
....
bi doch ned drum herum cho, do öppis inne z'schriibe. obwohl eg eigeintlech lieber standard-dütsch schrib, s'goht mer schnäuer.
e fend's z'müehsam öber 4 theme gliichzittig z'rede (jojo eg kene s'buech vo de allan&barbara pease).
drom össere e mi nomme zu eim thema.em titel vo band 6.
e be jo ned schadefreudig, aber we mer zerscht e schade zuegfüegt wird, de esch's lustig, z'gseh, wie am schluss de schade weder bem verursacher landet. was i demet wot säge?
dr dütsch öbersetzer Klaus Fritz het doch eifach die beider uusdröck: "half-breed" ond "half-blood" mit em gliiche wort "halbblut" öbersetzt.
löl jetzt muess er säuber luege, wie er das im band 6 werd löse ^^
dank ehm duet jetzt nämlech die haub dütsch potter-comiuniti (schwiizer-änglisch ^^' ) rätsle ebs ou persone wie de hagrid chönte sii. debii esch dä jo halb mensch, halb magisch's wäse, also "half-breed".
Dieser Beitrag wurde 1 mal editiert, zum letzten Mal von daskon: 24.07.2004 00:00.
|
|
|
24.07.2004 00:00 |
|
|
~Pig~
unregistriert
|
|
oh, was isch de half-breed???
dä usdruck kenni jezä nid...
|
|
|
24.07.2004 21:48 |
|
|
Nightshadow
unregistriert
|
|
Also jetz muss i erscht mol über lega was ich eigentlich schrieba ka.
Also ich ha eigentlich kein bestimmti lieblings Figur, i mag zimlich alle.
oky ned alle, wen i gar ned mag isch dr Gliderdore und d Umbrige, di hasse, sost sind alle zimmlch oky!
Was kanni dänn zum 6, säga ich bi gespannt uf ihn und go jeda Tag uf d Sita vor Rowling und lug ob d tör (<--Tür), wieder ofa isch und es a paar neu Infos zum sächsta band git.
Also mir gfalt der füft Band am beschta danoch kunt dr drit Band.
PS: ich weiss das das jetzt eigentlich Balzner (also an Liechteschteinscher Dialkät isch, aber i hof ihr verzeihen mir, den i bin au Schwizerin!)
|
|
|
28.07.2004 11:45 |
|
|
daskon
unregistriert
|
|
hmm...
"half-breed" beschriibt en mischig zwösche magier(mönsch) und magischem läbewäse (zb riese) =hagrid
es git sicher no anderi "half-breed" aber mer chont grad nüt anders i sinn.
cha me ou nocheläse
Dieser Beitrag wurde 1 mal editiert, zum letzten Mal von daskon: 29.07.2004 01:15.
|
|
|
29.07.2004 01:13 |
|
|
~Pig~
unregistriert
|
|
@ Sally
jo du hesch rächt, d cho chang chani ou nid usstah. si dünkt mi sochli arrogant, sone chlini, verhüläti, berächnendi, männergeili...nenei, so schlimm de o wider nid
aber i hoffe, der harry fingt öppis bessers aus si!
obwou i mi ou für ihn gfröit hätt, wener mit ihrä wär zämächo...
|
|
|
02.08.2004 23:27 |
|
|
strubi
unregistriert
|
|
Sali zämä,
oh i freu mi riesig wenn i ka dialekt schriebe isch viel eifacher
Ha gseh das do scho lang niemert me uf diä erste froge gantwortet hät, i möcht sie aber dennoch beantworte.
Also i finde wiämer jo sicher au gseht, de Snape spitze, aber halt hauptsächlich us de Film sprich de Alan Rickman. Wenn i am lese bi, bini faziniert vo de Sprüch vom Ron ( i stellmer den immer sin Gsichtsusdruck vor und de isch sicher zum schüsse
) Au d'Zwilling find ich guet, diä ziehnd eifach ihres Ding dure! Es git no viele vommer do könnt nenne aber das würd de Rahme glaub sprenge.
Als ich agfange ha de 4ti Band s'lese bini vom Titel nid so angetan gsi : der Feuerkelch, und jetzt find ich de Teil ein vo de beste. So hoffi jetzt dases mir au mitem 6te Band so go wird, finde de Titel nid so spektakulär, aber hoffe, das i positiv überrascht wire.
Eis muess i jetzt no schnell loswerde, WIESO hät de Sirius müesse sterbe?
Grüessli
d'strubi
|
|
|
19.08.2004 21:54 |
|
|
Pion
unregistriert
|
|
sali mittenand
erschtens find'is doo natürli ganz es lässix pläzzli. vor allem s'useröötle, wer us welem schwiizer egge chunnt macht uu schpass.
am liebschte ha'n'i de dambldoor und de sneip. das sind zwee so underschiidlichi charakteere, aber beidi werdet vo de tschoään mit so vill hiigaab beschribe, dass es äifach schpass macht öppis vo dene bäide z'läse.
nerve tuet de draco. sin charakter hätt sich i dene foif büecher fasch gar nid veränderet ond wiiterentwicklet. d'gschichtli mit iim laufet immer öppe gliich ab und ich find'se dorum langwiilig.
de titel vom band sächs verschpricht vill. ich hoff, er cha das au iihalte.
es tönt för mich wie wänn de harri langsam zum erbe vo griffindoor wird. bi gschpanne, öb mer öppis gnauers vo de ziit vom salasar und em godrig ghööret und öb de äinti vo dene de ander is jeensiiz beförderet hätt.
es liebs grüessli vo zöri
pion
|
|
|
28.08.2004 16:15 |
|
|
Heuler
unregistriert
|
|
jo also
bi mir ischs ähnlich wie bi villne andere, ich mag eigentlech rächt vill charaktere i de büecher.
under anderem: d'weasly-twins (findi mit abstand die grölligschte) :-), jo denn no de hagrid, de remus, de sirius, d'tonks, de mad-eye, de draco, de snape, jo und halt villi meh!
wär ich gar nid so abchan isch d'umbridge, die chunnt mer so überheblech ie genau glich wie de vernon...
de titel vom sächste band chani gar nonig beurteile, aber wie ich mir vorschtell wirds sicher wider es tolls buech.
en lieblings-band hani nid, ich find all foif bis jetzt uf sini individuelli art de hammer! ech froi mi halt scho ufs sächsi :-)
was ich no afüege will isch: ich find s'trimagische turnier e super abwächslig und d'wm hani au no cool gfunde. s'muen jo nid immer glich ablaufe, nid?
jo, das mol vo mir.
grüess a alli
|
|
|
22.09.2004 09:54 |
|
|
|
